នាព្រឹកថ្ងៃទី២៥ ខែមិថុនា ឆ្នាំ២០២៣ ឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៣ បានអញ្ជើញចុះជួបសំណេះសំណាលជាមួយនឹងសហភាពសហព័ន្ធយុវជនកម្ពុជា ក្រុមចលនាស្រ្តី និងអជ្ញាធរឃុំដំណាក់អំពិលចំនួន១៦៥នាក់ នៅឃុំដំណាក់អំពិល ស្រុកអង្គស្នួល ខេត្តកណ្តាល។
ក្នុងឱកាសនោះ ឯកឧត្តម ក៏បានអំពាវនាវដល់អាជ្ញាធរមូលដ្ឋាន ក្រុមចលនាស្រ្តី និងសហភាពសហព័ន្ធយុវជនកម្ពុជាទាំងអស់ដែលបានចូលរួម សូមបន្តផ្សព្វផ្សាយ និងចលនាបងប្អូនប្រជាពលរដ្ឋក្នុងមូលដ្ឋានរបស់ខ្លួន ឱ្យចូលរួមថែរក្សាសន្តិសុខ សណ្តាប់ធ្នាប់ អនាម័យ និងបរិស្ថានក្នុងមូលដ្ឋាន ជាពិសេសសូមអញ្ជើញទៅបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ ឱ្យបានគ្រប់ៗគ្នា ដើម្បីបំពេញកាតព្វកិច្ចរបស់ខ្លួនក្នុងនាមជាប្រជាពលរដ្ឋខ្មែរ និងដើម្បីចូលរួមបន្តថែរក្សាសន្តិភាពរបស់ប្រទេសជាតិ។
ក្នុងពិធីសំណេះសំណាលនេះ ឯកឧត្តម បានផ្តល់ថវិកាដល់អ្នកចូលរួមទាំងអស់ចំនួន១៦៥នាក់ ដោយក្នុងម្នាក់ទទួលបានថវិកា២០.០០០រៀល ព្រមទាំងចំណាយលើសម្ភារ និងចំណាយផ្សេងៗសរុបថវិកាចំនួន៣០,៧០០,០០០រៀល៕
ប្រភព៖នាយកដ្ឋានព័ត៌មាន
